Tuis

Jou alles-in-een-tuingids, het ons verlede jaar se Tuis Werf genoem. En dis daardie spesiale uitgawe wat ’n idee by my laat posvat het: ’n algehele regruk van die klein stoep en tuintjie voor my skakelhuis in Kaapstad. Ek het begin droom van geboude plantbakke met bougainvilleas en vlinderbos, klompiestene op die vloer, ingeboude bankies met gemaklike sitplek, ’n muur van patroonteëls waar jy inkom en met die paar trappies opstap na die voordeur. Ook ’n losstaande vuurput. Kruipvy wat die binnemure toegroei, en perfekte beligting. En bowenal, die pièce de résistance: parkeerplek vir my kar in my werf. Die plan is eenvoudig, volgens my. Verhoog die voorste muur, genoeg sodat ’n garagedeur daarin pas. En dan moet ek ’n stukkie van die smal stoep wat dwars oor die lengte van my huis loop,…

Niks klink mos mooier as reën wat op ’n sinkdak val nie.– Jan Sauer Klip met stories In 2019 koop die formidabele raakvatter Jan Sauer Lambrechts die oudste huis op Richmond in die Noord-Kaap en omskep dit in ’n suksesvolle gastehuis en sy persoonlike naweekplek, Seisoen Karoo Retreat. Die afgeleefde eiendom het oorgenoeg uitdagings vir sy kreatiewe vermoëns gestel, en sy keuse vir afwerkings praat die taal van dié Karoodorp se hart. Sy bouspan – almal plaaslike mense – het al die klipwerk teen die mure, op die stoep en vir die waterglanspunte gedoen. “Ons het klip uit die ou stoep herwin,” verduidelik Jan Sauer, ’n ou bekende onder gereelde Tuis-lesers. “Dit was harde werk, want party was dik en ander dun, maar die span het ongelooflik gekonfyt geraak daarmee.” Die klipbekleding is…

ORNAMENTE Alison Reynolds kan tuinbeelde, betonvoetstukke, pilare en kraagstene nie weerstaan nie. Sy snuffel dié artikels uit by plaaslike handelaars soos Onsite Gallery, Private Collections en Gilles Botbyl, maar kyk ook uit daarvoor wanneer sy oorsee is. “Ons reise is altyd ’n uitdaging vir my arme man, Chris, want ek hou vol alles sal in my handbagasie pas. Soms laat ek wel dinge aanstuur!” vertel Alison. SWEMBAD Blou mosaïekteëls van Douglas Jones was die perfekte oplossing in die swembad, want Alison was nie lus vir die gewone ligblou binne-afwerking nie, en ’n donker poel is vir haar “spookagtig”. Die kontemporêre houtskoolkleurige sitkamerstel was ’n onlangse toevoeging. >> Dis eers sedert haar aftrede in 2022 dat die binneontwerper Alison Reynolds uiteindelik haar onverdeelde aandag aan haar eie huis en tuin kon gee. Voorheen het dié…

Tabby en Alex het groot drome gehad vir ’n nuwe opstal op hul herlewingsplaas buite Stanford. En heel bo-aan hul wenslysie vir dié huis was ’n onderdakstoep reg rondom. Goodluck Homestead is ’n werkende vee-en-groenteplaas. Die vorige huis het ’n asemrowende uitsig oor golwende weivelde na Hermanus en tot so ver as die Kleinrivierberg gehad, maar daar was g’n stoep van waar hulle dié uitsig kon geniet nie. In Oktober 2022 het hulle die ou plaashuis gesloop. En danksy ’n ruim lening van die plaas se aandeelhouers kon Tabby en Alex hul droom van ’n huis wat ook ’n inkomste sou genereer, bewaarheid. Alex was daagliks op die terrein as projekbestuurder en het met sy praktiese benadering gesorg dat al die afwerking presies aan die argitek Donné Putter se spesifikasies voldoen. Hoewel die…

WIE WOON HIER? Karin CronjéWAAR FranschhoekGROOTTE Sowat 48 m² VLAKKE EN VLOERE Vyf verskillende vlakke is in die agterplaas geskep: braaiplek, werkoppervlakke langsaan, sitbankies op twee verskillende vlakke en ’n buitestort. Op die vloer by die braaiplek is 6 mm- bruin gruisklip as vloerbedekking gegooi. SONKAMER Nadat Karin binnenshuis ’n groot kookeiland in die oopplanvertrek geïnstalleer het, was daar nie plek vir ’n eetkamertafel nie. Die oplossing? ’n Treffende aangeboude glaskas van 3 x 2,8 m! “Om die fantastiese uitsig op die bergpas bo Franschhoek ten beste te benut, het ek op ’n glasdak besluit, want ek wou nie ’n enkele duim van die berguitsig verloor nie,” vertel Karin. “Dit is ook ongelooflik om die sterre saans te sien, veral wanneer die kaggelvuur brand.” Karin het op ’n smeulstofie besluit om die vertrek lekker…

WIE WOON HIER? Mark Thomas en Heidi Facey-ThomasWAAR Rosebank, KaapstadGROOTTE Sowat 60 m² (swembaddek, stoep en omliggende beddings) As die naweek aanbreek, sal jy die Thomas-gesin op hulle sonnige stoep en swembaddek kry. En dis hoe dit reeds twee dekades is, hoewel Mark en Heidi se volwasse dogters – Sarah, Katie en Anna – deesdae vir ’n braai en kuier inloer. “Ons het die huis in 2003 gekoop en wou dit opknap, verkoop en iets groters koop,” verduidelik Heidi. Hulle het dieselfde jaar nog die opknapwerk gedoen. “Hier was glad nie ’n stoep nie en die huis het geen noordelike lig gekry nie,” sê Mark, ’n argitek. “Ons het ’n sonkamer, groot swembad en stoep gebou. Hierdie buitekuierkolle en die tuin het oor die jare karakter gekry danksy Heidi se groen vingers en…